Este é un tema que me trouxo de cabeza longo tempo, e me seguirá traendo de cabeza longo tempo xa que so estou informada en condición de usuaria de grupo0/1, polo tanto só falarei destes grupos, porque ata aí chegou a miña borracheira de pescudas, e iso que comecei coa normativa anterior, cando se supuña que non había incerteza lexislativa. Aclarar que o Grupo 0 é dende os 0Kg ata os 10Kg (os portabebes dos tríos soen cubrir este tramo), Grupo 0+ é dende os 0Kg ata os 13Kg e Grupo 1 dende os 9Kg ata os 18Kg, se supón que van a publicar un regulamento onde tamén va a influír a talla, pero de momento non o hai, salvo a indicación de que cando a cabeza sobresaia do S.R.I. tense que cambiar a un grupo superior. Un comentario obrigado dende a miña transparencia é lembrar a todo@s que un coche é unha arma coa que nos poden matar ou podemos matar e isto non o podemos esquecer nunca, polo tanto se en algo é importante investir en seguridade para os nosos fill@s, inclusive máis relevante se cabe é en seguridade dentro do coche. Polo que os suxiro que o prezo se podedes neste caso non sexa un factor decisorio. Por onde comezar? Pois pola web da DGT, que ademais de conter a normativa ten múltiples resumos en forma de vídeo ou “folletos”, un blog moi interesante é http://retensioninfantil.blogspot.com.es/) a min tamén me gusta consultar na web da RACE (http://www.race.es/ ). En Vigo (no resto do mundo non sei) temos a sortedentro dos cursos de maternidade impartidos polas matronas nos centros de saúde, tamén en Fatima, hai incluída unha charla informativa a cargo da policía local sobre este tema, onde podemos preguntar tódalas nosas dubidas. Por outra banda están as tendas de puericultura, nesto senso podo afirmar que e en Pierino (http://www.pierinobebe.com/es/) están actualizados é en contacto coa policía local para poder informarnos en condiciones sobre este tema e teñen tódalas marcas destacadas con modelos a contraa marcha (BeSafe, Klippan, Römer, Cybex, Concord) eu teño que dar as grazas a Lucia e Alejandra de Pierino polas vinte mil preguntas e voltas que lle din o tema e sempre intentaron contestarme o mellor posible e cun sorriso, ata que decidimos o S.R.I. que mellor se adaptaba as nosas necesidades. Tamén dar aquí as grazas os padriños de Xulia que lle agasallaron có seu S.R.I. En fin todo isto e non comecei a dicir nada sobre os S.R.I. de grupo 0/1 así que imos a elo, e o vou intentar simplificar o máximo posible, xa que recoñezo que eu rematei moi desorientada polo exceso de información:
- Mellor canto máis tempo a CONTRAMARCHA, dubidas có espazo, sexa cal sexa o modelo de cadeira vai chegar un momento que @ nen@ vai ir cós xeonllos encollidos, e claro está que é mellor romper un xeonllo que a cachola, a columna ou órganos internos. No grupo 0 é obrigatorio e no 1 aconsellable.
- As seiras non son un sistema óptimo de retención, só se recomendan se é necesario por motivos médicos que @ bebe vaia tumbad@
- Comprobar se o coche é compatible con sistema Isofix ou non, e có do S.R.I. concreto.
- O S.R.I. ten que estar perfectamente colocado e ancorado antes de sentar @ cativ@
- Probar ou medir o espazo máximo que nos permite o noso coche, ou o que é o mesmo sentarnos no asento de diante e no do condutor e polos en unha posición que nos permita empregar ambos asentos e medir o espazo que queda dende o asento de atrás o punto máis próximo do asento dianteiro, xa que este e o espazo máximo que pode empregar o S.R.I. (por moito que poidamos afastar o S.R.I. para darlle sitio as pernas d@ pequen@, o máximo sempre será ata tocar o asento dianteiro, é máis se é o do condutor, cousa que hai que ter en conta se pensamos ter dous cativ@s que coincidan en tempo con S.R.I. grupo 0/1)
- Os grupos 0+ e 1 teñen que ir sempre nos asentos traseiros. A miña dubida é que pasa se o teu coche non ten cintos traseiros. O grupo 0 pode ir no dianteiro có airbag desconectado pero non é aconsellable pola perigosidade de dito asento.
- Os arneses deben ir sempre ben axustados, se non sería como ir sen protección.
- Tanto arneses como os cintos teñen que estar na posición correcta, e dicir, sen dar voltas sobre si mesmos ou encollidos ou estirados de máis. É moi importante no caso do arnes fixarse se esta dobrado sobre si mesmo no enganche.
- Se ides viaxar a responsabilidade do S.R.I. é vosa pero lembrade que se ides ir en Taxi se o pedides o chamalo remitiranvos un con S.R.I. adecuado e se alugades un coche o mesmo tempo podes alugar o S.R.I. ou só o S.R.I., así que cun pouco de previsión non hai problema 😉 .
So me queda engadir que deberíamos ser conscientes e durante o embarazo tamén protexer @s nos@s fill@s no ventre materno levando un cinto de seguridade prémama aquí o podedes ver (http://www.pierinobebe.com/es/complementos-viaje/278-cinturon-c57-seguridad-futura-mama-clippasafe.html ), existe outro modelo que é de BeSafe e está homologado. Espero habervos axudado e non liado máis. Neste caso non poño foto por dous razóns unha a nosa foi unha decisión polas nosas circunstancias e por non polemizar sobre cal é mellor ou peor.
Saúdos e ata a próxima
Ola Babá! Moitas grazas pola mención. Encantadas sempre de axudarche 🙂
Debido á renovación da nosa web, a nova ligazón do cinturon de seguridade Clippasafe é a seguinte:
https://www.pierinobebe.com/complementos-viaje/cinturon-seguridad-embarazada-clippasafe.html
Seguro que axuda a moitas futuras nais.
Saúdos!